أكتر 6 جمل بنسمعهم من ست الحبايب في الشتاء

مع دخول فصل الشتاء دائما بنلاقي أمهاتنا أعلنوا حالة الطوارئ في البيت اللي بتبدأ بتغيير الستائر الخفيفة وتغطية أرضية البيت كله بالسجاد وتجهيز معدات الشتاء من دفايات ومناديل وادوية الانفلونزا اللي بتكفي البيت كله. الامهات المصرية كلهم عموما بيشتركوا  فى عدد من العادات والتقاليد اللي مابيخلاش منها اي بيت زى لما مامتك تقول

-“أقشرلك برتقالة؟”

sfygpwk2gkrxqdrll477

طبق البرتقال والسكينة اللي علي ترابيزة السفرة من أساسيات الشتاء وماينفعش يعدي يوم من غيرما تتسأل “أقشرلك برتقالة؟” و مش لازم    . تجاوب علي فكرة لانك هتاكل يعني هتاكل.

-“الغدا انهاردة عدس”

giphy (50)

   انهاردة في مطر يبقي هنتغدي عدس, انهاردة في برق ورعد يبقي هنتغدي عدس, عندك برد يبقي هنتغدي عدس, نجحت؟ مبروك هنتغدي عدس, و هكذا..

– “عملتلك سحلب”0sahlab(1)

نيجي بقا لمشروب الشتاء الرسمي اللي دايما تلاقيه بيتشرب بالليل كده واحنا تحت البطانية بنتفرج علي مسلسل الساعة 9 وماينفعش تقوله لأ بردوا عشان ساعتها هنلجأ للاختيار التاني وهوعصير البرتقال بردو.

 -“إلبس جاكيت تاني و انت نازل”

00f048debcc2e70ccfbafb317ce0ad39efa1d32f46c4a32c54283be94ae7a40c

مهما تلبس من طبقات سواء في البيت او بره فأنت بردو فى وجهة نظر الامهات لابس خفيف وهيجيلك برد بسبب اللي انت لابسه.

-“ملحقتش ألم الغسيل!”

laundry

نيجي بقا لفقرة الغسيل اللي مابتنتهيش, الامهات في الشتاء بتسجل رقم قياسي في عدد مرات الغسيل طول الاسبوع والغسيل بردوا مبينشفش.

– “افتح/اقفل يابني الدفاية دي”

lemurs-all-hail-the-heater-mb

الدفايات من اساسيات الشتاء ومع كده بنلاقي الامهات منقسمين في النقطة دي لقسمين الاول شايفين اد ايه هي مهمة والتاني منهم شايفين انك لو ماعندكش برد بسبب لبسك الخفيف يبقا بسببب الدفاية اللي بتمشي بيها في كل مكان في البيت.

الحاجات البسيطة أو الصغيرة اللي ست الحبايب بتعملها ليها معني كبير اوي في قلبنا ومن غيرها الحياه مش هيكون ليها طعم..

Comments