مصر في كأس العالم: ايه اللي بيحصل بعد التأهل؟

اتأهلنا كاس العالم وفكينا شفرة مجدي عبد الغني.. حققنا حلم غاب عن بلدنا 28 سنة.. كلنا متفائلين لمستوى المنتخب في دور المجموعات في كاس العالم.. يبقى تعالوا ناخد فكرة عن دور المجموعات والقرعة هتتم ازاي وايه المنتخبات اللي محتمل نقع معاهم في نفس المجموعة:

أولا كدة، الفيفا صنفت المنتخبات على 4 تصنيفات بناء على تصنيف شهر أكتوبر للمنتخبات الخاص بالفيفا واللي مصر كانت فيه في المركز ال30 .. وبكدة تكون مصر في التصنيف التالت.. مع منتخبات الدنمارك، كوستاريكا، أيسلندا، السويد، تونس، السنغال وإيران.
والأكيد ان مفيش منتخب هيقع مع منتخب في قرعة دور المجموعات من نفس التصنيف
الفيفا كمان قرر إن مفيش منتخبين من نفس القارة هيقعوا مع بعض.. بمعنى ان مصر مش هتقع في مجموعة واحدة مع أي من السنغال،تونس،نيجيريا والمغرب بجانب المنتخبات من نفس التصنيف.
الجدير بالذكر ان تصنيفات باقي المنتخبات كانت كالتالي:

التصنيف الأول: روسيا، ألمانيا، البرازيل، البرتغال، بلجيكا، الأرجنتين، بولندا، فرنسا.

التصنيف الثاني: أسبانيا، بيرو، سويسرا، إنجلترا، كولومبيا، المكسيك، أوروجواي، كرواتيا.

التصنيف الرابع: صربيا، نيجيريا، أستراليا، اليابان، المغرب، بنما، كوريا الجنوبية، السعودية.

الفيفا عملت التصنيفات دي عشان قرعة دور المجموعات لكأس العالم اللي هتقام يوم 1 ديسمبر القادم في موسكو واللي من خلالها هنعرف كل مجموعة على حدى.. ال world cup draw assistants هيبقوا كل من:
Laurent Blanc, Gordon Banks, Cafu, Fabio Cannavaro, Diego Forlan, Diego Maradona, Carles Puyol and Nikita Simonyan

كل التوفيق لمنتخبنا في القرعة وان شاء الله تكون مجموعة سهلة نعرف من خلالها نأدي أداء يليق باسم مصر!

Comments