ليه تامر محسن بالنسبة لينا هو أكتر مخرج واقعي..

كل جيل بيطلع مخرجين يقدموا أعمال جديدة و يكونوا رواد  فيها.. أعمال شباك تذاكر زي شريف عرفة و طارق العريان, أعمال فنيه زي محمد دياب و عمرو سلامة, و أعمال شبه الواقع و الجيل بتاعنا بكل تفاصيلها, و من وجهة نظرنا تامر محسن هو أحسن مخرج بيعمل ده حالياً.

تامر محسن مخرج اتخرج من المعهد العالي للسينما سنة 2002, ليه تجربة واحدة في السينما (قط و فار) و كانت مميزة جداً, بس مكانتش مؤثره زي مسلسل (بدون ذكر أسماء), مسلسل مفيهوش تفصيله غلط او ناقصة, بيورينا مصر في حقبه مهمة فيها زي ما هي بالظبط, و مش حاجه غريبه علي وحيد حامد يعني

0-2090

لحد مسلسل (تحت السيطرة) المسلسل اللي غير نظرتنا للحياه كلها, مسلسل ساب تأثير في حياة كل مدمن او مدمن متعافي او حتي واحد عمره ما جرب, تامر محسن قال لنا فيه انا مش بس مخرج متمكن, انا بعرف اقود كل ممثل, من اول الأبطال لحد الممثل اللي عنده مشهد واحد في العمل كله, حاجه مش سهله و مخرجين كبار و ناجحين مش عندهم الميزه دي.

dac0aad5e256.original

اخر أعمال تامر محسن كان مسلسل (هذا المساء) عمل واقعي 200%, ميعملوش غير مخرج قعد يشتغل عليه سنين, دارس كل مشهد, كل كلمه, مش بيصور الحلقه الصبح عشان تتذاع بليل.

maxresdefault

من الأخر, تامر محسن هو المخرج الأهم و الأكثر قدرة علي محاكاة الواقع بتاعنا بكل تفاصيله, عشان كده, عايزين نشوف أعمال كتير ليك في السينما لو سمحت!

Comments