!الاهلي متألق كعادته…و التاسعة جاية

بعد المباراة العظيمة اللي قدمها الاهلي في ستاد برج العرب بهزيمته للنجم الساحلي في إياب نصف نهائي دوري ابطال افريقيا 6-2 واللي شهدت تألق كبير من وليد ازارو بتسجيله هاتريك.. كلنا كجماهير ومشجعي لنادي الاهلي أملنا كبير جداً بالفوز بالبطولة والحصول على اللقب الافريقي بعد غياب 3 سنين من آخر مرة حصلنا عليها في 2013 ..

الاهلي هيلاقي في النهائي الوداد البيضاوي المغربي اللي اتأهل على حساب اتحاد العاصمة الجزائري بعد الفوز عليه في مباراة الاياب 3-1

مباراة ذهاب نهائي دوري ابطال افريقيا هتكون في مصر في ستاد برج العرب يوم السبت القادم الساعة 7 بتوقيت مصر .. كل الامال بتحقيق نتيجة كبيرة على الوداد في المباراة دي لان ده هيسهل كتير مهمتنا في ماتش الاياب في المغرب اللي مش هيكون سهل اطلاقا

الاهلي والوداد كانوا في نفس المجموعة في دور المجموعات في البطولة دي وتقابلوا في الجولة التالتة والرابعة.. الجولة التالتة في مصر فاز الاهلي 2-0 بهدف لمؤمن زكريا وهدف لجونيور اجاي.. والجولة الرابعة في المغرب فار الوداد بنفس النتيجة.. وفي نهاية دور المجموعات اتأهل الوداد كأول مجموعة ب12 نقطة ووراه الاهلي ب11 نقطة.. الشئ اللي يدل على مدى قوة الوداد اللي مش هيفرط في اللقب بسهولة.

أهداف مباراة الجولة التالتة في دور المجموعات

أهداف مباراة الجولة الرابعة في دور المجموعات 

جدير بالذكر إن الوداد حقق دوري ابطال افريقيا مرة واحدة في تاريخه سنة 1992 بينما الاهلي حقق البطولة 8 مرات.. وان شاء الله التاسعة جاية، كل الناس بتقول يارب

Comments