ملخص أحداث الأسبوع في مباريات كرة القدم

بما إن المدارس و الجامهات دخلت و محدش بقي فاضي يتابع كل اللي بيحصل في عالم كرة القدم, قررنا نجيبلك ملخص الإسبوع اللي فات كله عشان ميبقاش فاتك حاجة..

أهم مباريات السبت 23-9-2017
دوري ابطال افريقيا: الاهلي كسب الترجي التونسي على ارضه في ستاد رادس 2-1 وقدر يتأهل لنصف النهائي لملاقاة النجم الساحلي في دور نصف النهائي يوم الاحد القادم في تونس والاياب هيكون في مصر يوم 21 اكتوبر

أهم مباريات الاحد 24-9-2017
دوري ابطال افريقيا : النجم الساحلي كسب اهلي طرابلس بهدفين للمصري عمرو مرعي في اياب دور ال8 عشان يتأهل ليلاقي الاهلي في دور نصف النهائي

أهم مباريات الاثتنين 25-9-2017
الدوري الانجليزي : ارسنال كسب ويست بروميتش 2-0 في الجولة السادسة عشان يوصل للنقطة 10 في المركز السابع

أهم مباريات الثلاثاء 26-9-2017

الجولة التانية من دوري ابطال اوروبا:
– بروسيا دورتموند خسر على ارضه 3-1 من ريال مدريد عشان يفضل عن النقطة 0 في المركز التالت فيما يحافظ ريال مدريد على الصدارة ب6 نقاط بفارق الاهداف عن توتنهام اللي كسب 3-0 ابويل نيقوسيا في انتظار المباراة القادمة بين الريال وتوتنهام اللي هتكون خناقة عالصدارة

– ليفربول اتعادل 1-1 مع سبارتاك موسكو ويفضل في المركز التاني برصيد نقطتين في حين ان اشبيلية كسب ماريبور 2-0 لينفرد بالصدارة ب 4 نقاط

– مانشيستر سيتي كسب شاختار دونيستك 2-0 عشان يظل في الصدارة ب6 نقاط ويليه نابولي ب3 نقاط ويليه شاختار دونيستك ب3 نقاط بفارق الاهداف عن نابولي

أهم مباريات الاربعاء 27-9-2017

الجولة التانية من دوري ابطال اوروبا:
– ماتش اتليتكو مدريد وتشيلسي.. اتليتكوا مدريد خسر 2-1 على ارضه بعد ما كان متقدم بهدف الا ان تشيلسي اتعادل في الدقيقة 59 وجاب التاني في اخر دقيقة في الماتش وقدر يخطف 3 نقاط برا ارضه عشان يوصل للنقطة 6 في المركز الاول يليه روما ب4 نقاط ثم اتليتكو مدريد بنقطة واحدة في المركز الثالث

– برشلونة خدت 3 نقاط برا ارضها من سبورتينج لشبونة بعد ما كسبت 1-0 وبكده توصل للنقطة 6 ويليها سبورتينج لشبونة ب3 نقاط و يوفينتوس ب3 نقاط في المركز التالت بفارق الاهداف بعد ما كسب اوليمبياكوس 2-0

– باريس سان جيرمان كسب على ارضه بايرن ميونيخ بنتيجة تقيلة 3-0 عشان يوصل للنقطة 6 ويليه بايرن ميونيخ ب3 نقاط

– مانشيستر يونايتد قدر يحافظ على الصدارة بعد ما تفوق على سيسكا موسكو ب 4 اهداف مقابل هدف ووصل للنقطة 6 ويليه بازل ب3 نقاط

Comments