لقاء المصريين في الدوري الانجليزي

النهاردة كان لقاء المصريين في الدوري الانجليزي، كل واحد بيحاول يثبت نفسه في فريقه و كل واحد عمل اللي عليه بس زي ما انتم عارفين الدوري الانجليزي مفيش فيه توقعات ولا احتمالات، دايما بنتفرج واحنا مش عارفين نرجح مين هيقدر يكسب الماتش

النهاردة كان لقاء محمد صلاح (ليفربول) مع فريق محمد النني (أرسنال) واللي انتهى بنتيجة كبيرة لصالح ليفربول 4 مقابل لا شئ!

المباراة شهدت تألق كبير جدا من صلاح واللي كان رجل المباراة بإحرازه هدف في الدقيقة 57′ من انفراد من قبل نص الملعب لحد ما وصل لبيتر تشيك وحطها على يمينه وصناعته لآخر من عرضية قدر يستغلها دانيال ستوريدج ويحرز هد برأسهه في الدقيقة 77′ عشان يزود جراح أرسنال لـ 4 اهداف

أما المباراة التانية كانت بين فريق رمضان صبحي (ستوك سيتي) مع حجازي المنتقل حديثا لـ (وست بروميتش)

المباراة شهدت تألق من حجازي اللي فريقه فضل متقدم لحد الدقيقة 77′ ولكن رمضان صبحي اللي نزل قبل نهاية الماتش ب20 دقيقة عمل عرضية وصلت لـ كرواتش بعد ما أخطأ في تقديرها حجازي اللي عمل أول غلطة ليه في الماتش ولكن غلطة الشاطر خلت الماتش يخلص تعادل 1-1 بعد ما كان فريقه متقدم!

كل التوفيق لـ اللاعبين المصريين في الدوري الانجليزي وبنقولهم احنا وراكم وبنشجعكم أياً كان الفريق اللي هتلعبوا فيه بس للاسف النهاردة كان حزين لمحمد النني وحجازي ولكن عالجانب الآخر كان يوم سعيد جداً لمحمد صلاح ورمضان صبحي!

Comments