أحسن خمس مسلسلات في رمضان 2017

رمضان جانا، و خلص، بس جابلنا شوية مسلسلات كدة مينفعش منتكلمش عليهم. لو في حاجة مميزة السنة دي هتكون التصوير و الإخراج، حاجات بتشد عينك تتفرج حتي لو مفيش قصة.. يمكن المسلسلات وقعت شوية عشان اتكروتت؟ ما هو محدش يخلص الحلقة الأخيرة قبل عرضها بيوم برضه، بس عموماً، خلينا منعملش مناخ تشاؤمي و ننشر الإيجابيات.. جبنالك خلاصة الحلو السنة دي…

-واحة الغروب:

‎من اول التتر بتصويره و الاغنية، بتحس ان انت هتروح الواحة مع الأبطال اياً كان أسباب هما رايحين هناك ليه، و هتحس برده ‎إن المكان ده هيبقي ليه تأثير كبير عليهم.

‎الإخراج و التصوير كانوا لوح فنية طول الوقت، و ده كان كتير بينقذ السيناريو اللي كان فيه لحظات ملل و بطئ احياناً، غير ان خالد النبوي تمثليه يخليك ممكن تسمعه و هو بيقول الورد اللي فتح في جناين مصر و انت مبهور من أدائه.

101

-٣٠ يوم:

‎في قاعدة كده في السيناريو بتقول ان مفيش فكرة جديدة، كل الأفكار موجودة و مطروحة، اللي بيعمل الفرق هو انت هتخلينا نشوفها من فين و ازاي، و الكلام ده في اساس ٣٠ يوم مش موجود لحد ما، المسلسل كان مليان افكار مختلفة جداً مشوفنهاش قبل كده، الإخراج لايق علي حالة المسلسل، لا فيه بساطة ولا مبالغة. شكراً مدير التصوير على الإضاءه العبقرية و باسل الخياط بيعزف ( و احنا شايفين الدمار اللي بيحصل في حياة آسر ياسين…أو دكتور طارق)

15297358341495130220

-هذا المساء:

على رغم إن إعلان المسلسل كان مشوق، لكن مستوى كتابة السيناريو والإخراج كانوا غير متوقعين تماماً. بنلاقي هنا في كل حلقة مفاجئة وعدم وجود أي ملل في سرد الأحداث وكل حلقة كانت بتتقفل بطريقة تقدر تخلي المشاهد يتشوق للأحداث المقبلة.

حنان مطاوع، أحمد داوود، أسماء أبو اليزيد، محمد فراج، خالد أنور وإياد نصار هي مجموعة من الوجوه اللي أبهرتنا بادأها الطبيعي والعالي جداً وأكدتلنا هنا إنهم ليهم مستقبل باهر. وأكيد ماننساش الحرفية في التصوير المبدع واللي كان بيبين جمال أبسط الأماكن اللي المسلسل متصور فيه.

هذا المساء يعتبر من أحسن أعمال المخرج تامر محسن، اللي قدملنا مسلسلات مهمة مثل “تحت السيطرة” و”بدون ذكر أسماء”

HAZA-AL-MASAA-Slider

-كفر دلهاب:

المسلسل متصور في واحة سيوة والإضاءة كلها كانت بالنار والشموع والدخان.. و ده بيخلي التصوير صعب جداً لأن أي غلطة ممكن الlocation يخرب او يعيدوا تصوير فلازم نشكر العبقري هيثم حسني مدير التصوير .. بالنسبة للمخرج أحمد نادر جلال فهو معروف عنه إنه بيركز على الناحية الإخراجية أكتر من التمثيل و ده كان واضح جداً في قوة الاخراج والكادرات بتاعته وضعف القدرات التمثيلية في بعض المشاهد..الأزياء لإنجي علاء كانت حلوة ومناسبة بس كانت محتاجة تكون متبهدلة شوية عشان حالة الفقر في الكفر.. المسلسل بشكل عام كان مختلف كعادة يوسف الشريف من حيث القصة والدراما والmoral من الفكرة.. وأكيد شابوه يوسف الشريف.

Kafr_.Delhab.

-لا تطفئ الشمس:

الرواية لإحسان عبد القدوس وسيناريو تامر حبيب اللي حاول يكرر نجاح جراند اوتيل ولكن مجتش معاه للأسف… السيناريو كان ضعيف ومعظم الحلقات كانت الاحداث فيها بتتكرر بدون أفكار جديدة. الشئ اللي يشفع للمسلسل ده هو الإخراج والموسيقى التصويرية اللي كانوا أكتر من رائعين.. من الناحية التمثيلية كان باين قوة في الاداء في جميع المشاهد وخصوصاً من محمد ممدوح. الحالة العامة اللي عملها المسلسل كانت حلوة وعلقت مع الناس لأن الشخصيات كلها قريبة من معظم الناس حوالينا.

maxresdefault

كان في مسلسلات كتير حلوة ملحقناش نشوفها و نتكلم عليها, يا ريت يا جماعة تكثفوا مجهودكم معانا باقي السنة و تخفوا علي رمضان شوية عشان نلحق ندي كل حاجة حقها.

Comments

SHARE
Previous articleChanel’s Couture 2017 Fashion Show Is A Dream
Next articleDear Society
Our awesome writers combine forces to bring out the best written pieces you'll ever read through this account!