٥ حاجات لازم كطالب مقهور تبقي عارفهم

بمناسبة ان ثانويه عامه و الجامعات بيمتحنوا في رمضان السنة دي، في ٥ حاجات لازم كطالب مقهور تبقي عارفهم.

١. المذاكره قبل الفطار كذبه

WhatsApp Image 2017-05-27 at 9.51.50 PM

فكرة انك تصحي من بدري و تذاكر قبل الفطار و انت مش شارب القهوه او الشاي بلبن في حد ذاتها مستحيلة، انت انسان بيدخل المحاضره متأخر عشان يجيب النيسكافيه و يلهطوا جوه!

٢. المذاكره بعد الفطار كذبه اكتر

40838

عايز تقنعني ان بعد ما كلت شوربه و محشي و مكرونه و فراخ و دخلت علي الكنافه بالمانجه هيكون فيك نَفس تذاكر؟ طب مين هيتفرج علي رامز الساعه ٧ و يشتم فيه؟ و بعدها يتفرج علي مسلسل عادل امام و يبقي مستغرب من الناس اللي حواليه بيضحكوا علي ايه؟ و المسلسلات الحلوه اللي غالبا بتكون الساعه ٩ و ١٢ مين هيشوفها؟ طب و الدوره الرمضانية؟ طب و التروايح في مسجد الصديق؟

٣. مش هتعرف تشتم الدكتور في سرك و انت في اللجنه

hqdefault

ده شهر فضيل و كريم، حرام تضيع حسانتك علي ناس بتتفنن في انها تتعبك في حايتك، و للتذكره، اللهم اني صائم بتجيب نتيجه هايله.

٤. مش هتعرف تشتم اه، بس هتعرف تدعي عليه.

BmLa98SIUAAWYHI

ده شهر كريم و فضيل ( نغير بقي شويه)، و الدعاء مستجاب في كل وقت، و باب السماء مفتوح، خد راحتك و بذمه، و متنساش ، اللهم اني صائم.

٥. تخرج من اللجنه علي بيتك 

_640x_f8c6b95d239014fb331258252c7ca1afa539b95c669e0ac2621607bf9f8957fc

تروح بعد الإمتحان تغير و تناملك كام ساعه قبل اما تعمل كل ال٤ نقط اللي فوق دول، عشان تعرف تضيع وقت و انت فايق و رايق كده

 نتمني في النهايه التوفيق لينا جمعيا و بنطلب من كل الناس تدعلينا عشان محدش مستعد ينزل  summer course في الحر ده، و متنساش تاني، اللهم اني صائم

Comments