7 دول ممكن تسافرهم من غير تأشيرة

أجازة الصيف قربت ونفسك تسافر تغير جو بره مصر ومش عارف تروح فين او تبدأ منين ؟

أحنا بقا قررنا نساعدك .. ازاي؟

طبعا كلنا عارفين ان السفر تكاليفه كتير وخصوصا اليومين دول وكلنا بلا استثناء نفسنا نسافر بره ونلف الدنيا واللي عايز يسافر بجد لازم يحسبها صح ويخطط بجد ومن اهم الحاجات اللي كلنا بنفكر فيها هي التأشيرة

لكن اللي ممكن تكون  ماتعرفوش ان في بلاد كتيره جدا في العالم ممكن انت كإنسان يحمل جواز سفر مصري ماتحتجش تأشيرة عشان تسافرلها.

:وعشان كده قررنا نجمعلك قائمة بأسماء البلاد اللي مش هتحتاج تأشيرة

كوريا الجنوبية

south korea

كوريا الجنوبية واحدة من أكبر دولة اسيا واللي بيسموها فردوس اسيا لأنها بتتميز بالكثير من المعالم التاريخية والترفيهية والثقافية زي المتاحف اللي هنلاقيها والقصور وكمان معابد وقلاع زى قلعة الزجاج ده غير برج سيول و حديقة نهر الهان وكمان مقابر ملكية

ماليزيا

str2_yy_yytauniquebeach4

ماليزيا واحدة من اجمل بلاد شرق اسيا واللي بتقدر انك تحصل علي اقامة فيها لمدة 90 يوم اول ماتوصل المطار, ماليزيا بتتمتع بطبيعة خلابة وشواطئ ساحرة ده غير مدن الملاهي والالعاب المائية اللي أكيد هتتبسط فيها.

هونج كونج

hong kong

اللي ماتعرفوش عن هونج كونج بانها موجودة علي ساحل الصين الجنوبي وبتعبر واحدة من المنطقتين الإداريتين الخاصّتين التابعة لجمهورية الصين واللي بتتميز بالتقدم العمراني عشان كده هتلاقي ان معظمها تقريبا ناطحات سحاب ده غير المعابد القديمة ومن اشهرها” معبد بوذا” وهو عبارة عن معبد من 9 طوابق ده غير الحدائق زي حديقة المحيط واللي بتعتبر واحدة من اكبر الحدائق في العالم.

نيبال

nepal

جمهورية نيبال الديمقراطية تقع بين الصين والهند وهي دولة صغيرة بقارة اسيا لكن بتتمتع بطبيعة خلابة ده غير انها مليئة بالحدائق والقصور والعابد زي معبد “تاليجو” اللي بيوصل ارتفاعه اكتر من 40 متر.

 جزر المالديف

maldives

من فينا ما حلمش انه يروح المالديف وهي عبارة عن 26 جزيرة في المحيط الهندي وبتعتبر من اجمل جزر العالم وبتتميز بشواطئها الساحرة ده غير المتحف الوطني الموجود هناك والمنتجعات السياحية وهي بتعتبر مكان مميز جدا للناس اللي بتحب الغوص والتزلج علي المياه.

جورجيا

georgia

لو جينا لاوروبا وبالتحديد اوروبا الشرقية هنلاقي جورجيا الموجودة علي الساحل الشرقي للبحر الاسود واللي بتعتبر واحدة من اجمل البلاد واللي هتلاقي فيها اماكن سياحية كتيرة ده غير ان فيها اكبر حوض سمك بالعالم وهتلاقي خمسة معارض تحت الماء هتاخدك في رحلة مائية عبارة عن معرض تفاعلي للحياة البحرية مع عروض للثعابين وقنديل البحر وخيل البحر ده غير الجزر اللي من اشهرها جزيرة “جيكل” المعروقة باسم جوهرة جورجيا يعني من الاخر هتتبسط يعني هتتبسط.

الأردن

Jordan-©-takepicsforfun-Shutterstock

لكن لو جينا للبلاد العربية هنلاقي الأردن واللي هتلاقي فيها انواع محتلفة من السياحة زي السياحة العلاجية علي شواطئ البحر الميت او السياحة الدينية لزيارة المزارات الدينية.

الأردن مليانة بالآثار الرائعة والقلاع ده غير مدينة البتراء او زي مابيسموها المدينة الوردية لانك طول ما أنت فيها هتشوف صخور لونها وردي ده غير البوابات الضخمة والمسرح اللي يقدر يستوعب 300 شخص.

كل دول غير البلاد الافريقية زي غانا وكينيا واوغندا والبلاد العربية زي لبنان.

انا عارفة ان ممكن تكون ولا بلد من دول هي حلمك بس اللي بيحب السفر اكيد هيستمتع بفكرة السفر نفسها بانه هيشوف مكان جديد وناس جديدة وهيجرب اكلات و انشطة جديدة ومختلفة بس اكيد هيجي اليوم اللي هتسافر فيه البلد اللى نفسك فيها.

يلا مستني ايه؟

Comments