مشاهد clichéفي الدراما المصرية

هذا المقال لا يمت للواقع و الدراما بصله، و اي تشابه بينه و بين اية اعمال، فهي مسؤلية صناع العمل شخصياً

١.” يوووه يا سي بابا”

f24cd575-1cab-4926-8841-1a4948e2e181

اسره فيها بنت دايما هتتأخر علي المحاضره و دايما امها تقولها افطري قبل ما تنزلي فا تقولها “مش هالحق يا ست ماما” و باباها يقولها “امتياز بقا السنادي و لا زي كل سنه” فترد عليه ب”يووه يا سي بابا” و لو الجدة ربنا يديها الصحه عايشه هتقولها ربنا يكرمك بعريس فترد “لسه بدري يا ستو ربنا يخليكي لينا” و هنا نعرف ان سي و ست هم مشتقات ستو و سيدي

٢. “انا فاعل خير”

d28b3911-39dc-4814-b2ac-17a4d101dfa9
واحد بيخون مراته و شخص غيرهم وغالباَ مفيش ليه دور في القصة عايز يفتن و يقولها فايجيب كارت ميناتل و يطلبها من تليفون في الشارع و يقولها بصوت يجمع بين الحسم و اللئم…”ايوه يا مدام امل، مش مهم انا مين، انا فاعل خير، لو حابه تعرفي جوزك فين و مع مين، روحي له في بيت صاحبتك سوزي و اتأكدي بنفسك”

٣.” مش شايفه حاجه غريبه في الشارع يا سميره؟”

gif

اي واحد جاب عربيه جديده، لازم ياخد مراته البلكونه و يكون الشارع فاضي مفيهوش غير عربيه واحده و غالبا برضه بيكون الاكل بيتحرق علي النار و يقولها مش مهم و يقولها”ها، ايه رأيك؟”  فسميرة تقول “رأيي في ايه يا مدحت؟ انا مش شايفه حاجه!” مدحت يخرج مفتاح من جيبه و يبدو انه مفتاح سياره “تارارا!” و يشير علي السياره سميره” ايه ده! بتاعه مين دي!؟” مدحت”جبتها انهارده و كتبتها بأسمك يا حبيبتي” و كل ده هي مش شايفه العربيه.

٤.”وراه يا اسطا!”

617e3661-1f2a-4aa2-82a3-1afde5ece164
في مشاهد المطاردات و المراقبات الاكشنيه القويه، واحد بيطلع بعربيته و اللي بيراقبه و عايز يلحقه بيلاقي و سبحان الله تاكسي مستنيه يقوم راكب بسرعه و يقول الجمله المثيره الشهيره”ورا العربيه دي يا اسطاااااااه!”

دي المشاهد المتكرره اللي احنا شايفنها، لو عندك مشاهد غير مذكوره، اكتبهلنا في كومنت

Comments