الاسبتالية: حواديت عن الطب بطريقة ممتعة

عالم السوشيال ميديا كل يوم فيه جديد من اخبار وفيديوهات ليها نسبة مشاركة ومشاهدة عالية جداً واللي بتختلف مواضيعها من اللي ليه علاقة بالكورة واللي مهتم باخبار البلد واللي هدفه النقض الساخر.. لكن احنا المرة دي قصاد حاجة مختلفة اسمها “الاسبتالية” اللي معناها المستشفي لكن باللهجة المصرية وهي عبارة عن برنامج بتقدمه الطبيبة “ايمان الامام” او زي مابتحب توصف نفسها طبيبة وماتخصصتش ومش هتتختص دلوقتي, كل الل بتعرف تعمله انها تحكي حواديت عن الطب والامراض.

“الاسبتالية” بتقدم محتوى جديد ومفيد بعيدا عن اي اسفاف واللي بيربط الحياه الواقعية بالعلم وبيتم تقديمه بصورة مشوقة ودي من الحاجات الجديدة اللي نادراً ما بنصادفها مؤخراً.. حاز الاسبتالية علي اعجاب كبير ورد فعل الناس عليه كبير وخصوصاً اخر فيديو اللي كان عنوانه “انت واحد ولا اتنين؟ ” واللي اتكلمت فيه د.ايمان عن اسطورة الكيميرا وحقيقة وجودها وازاي تم اكتشافها مؤخراً وده غير مواضيع الفيديوهات اللي قبله زي مصاصين الدماء وليه بنحب الشيكولاتة.

الحاجة اللي نقدر نضمنهالك انك لو بدأت تتفرج علي حلقات من الاسبتالية مش هتقوم غير لما تخلصهم بغض النظر عن انك مهتم بالطب ولا لأ.. طريقة التقديم و التصوير و المحتوي هيشدك.

الاسبتالية بتقدم حلقة جديدة بموضوع جديد كل يوم احد وعشان تتابعها ادخل علي صفحتهم من هنا 

يا ريت نلاقي حاجات جديدة زي “الاسبتالية” قريب تشدنا وفي نفس الوقت تفيدنا

Comments