5 صفات في برج الحمل و ازاي تتعامل معاهم

 الكلام ده لصحاب عيد الميلاد.. موسم برج الحمل بدأ و الناس دي أنا بحبها بشكل خاص (بما إني منهم).. برجنا مش مفهوم كدة و معقد شوية -مش أوي-. يمكن إننا برج ناري متهور يكون مبرر؟ إحنا طيبين بس بنتعصب, بنعمل للحاجة ألف حساب بس إختيارتنا متهورة. من الآخر محتاجين كتالوج عشان تتعاملوا معانا. لو انت أو حد من صحابك أو اللي بتحبهم حمل, ده دليل هيساعدك في التعامل معهم..

-طيبين, بس يا ويلك لو جيت علينا أو علي حد يخصنا

giphy (11)

النقطة دي مشتركة بينا, رجالة و ستات.. ردود أفعالنا مش متوقعة وعصبيتنا ملهاش حدود و مش هنهدأ غير لما نطلع كل اللي جوانا. ما هو مش انت زعلتني؟ استحمل بقى.

-احنا اللي اخترعنا مصطلح strong independent woman

giphy (14)

لو ارتبط بانثى الحمل فلازم تكون عارف إنها مش حاجة سهلة.. عارف الرجالة اللي بتضايق من زن الستات؟ إحنا مش كدة, غالباً انت هيبقى نفسك في شوية زن عشان تحس إنك فعلاً في علاقة مع ست.. مكلمتهاش؟ مش مشكلة, طلبت منك حاجة و معملتهاش؟ هتعملها هى.. بس لازم برضه تحسسها انك مهتم عشان لو معملتش كدة هتبقى جيت عليها و كدة ترجع للنقطة اللى فوق بقى عشان تفتكر اللي هيحصل.

-قائد بطبعه

giphy (15)

الحمل بطبعه قائد.. اتولد كدة, مبنحبش نكون جزء من القطيع, او عشان أكون ادق, مبنعرفش نكون جزء من القطيع حتى لو حاولنا.. الحمل بيحب يكون متميز في أي حاجة بيعملها, يعني حتى لو شغال أمين مكتبة برضه هتلاقيه مختلف و متميز.

-متهور و تصرفاته غير متوقعة

giphy (22)

برج مليان مفاجئات و انبهارات و الله يا باشا. مش هتزهق طول ما انت معانا عشان مش هتعرف تتوقع الخطوة اللى جاية هتكون فين. ممكن نصحى الصبح نقرر اننا عايزين نفطر pizza في الساحل و أغلب الوقت بنعملها أو ننزل مرة واحدة بدون أي إنذار نغير لون شعرنا أو لو ولد تلاقيه جايلك حالق شعره اللي بقاله شهور مانع حد يلمسه. هتتبسط معانا يعني, اه ساعات تهورنا بيعمل مشاكل بس يعني أحسن من الملل.

-الرومانسية فينا بس ربنا هادينا

giphy (21)

لو حد من برج الحمل حبك, انت كدة خلاص عديت.. هى دي اللي بنعملها ألف حساب عشان مش بنشوف الحب لعبة. الإرتباط بالنسبة لينا حاجة مش سهلة عشان بناخدها بجد و لما بنحب بنعمل كل و أي حاجة عشان نحافظ علي العلاقة دي و بنحارب عشانها.. بس إياك تاخد ده بالساهل, هنطلعلك في الكوابيس.

من الآخر كدة, الحمل طيب و لما بيحب حاجة بيحبها بجد.. الحاجة ديه ممكن تكون شغل, أهل, شخص, صحاب أو كل دول, شغفه سر نجاحه. بيحب الاهتمام بس مش بيموت من غيره, عشان لو مجاش من الناس هو هيعرف يهتم بنفسه. عصبيته بتزعل الناس منه, بس طيبته بترجعهم تاني. يعني لو وقعت مع برج الحمل فى أي تعامل, ده الكتالوج بتاعه.

Comments