7 اماكن ممكن تزورهم في اجازة نهاية الاسبوع

كلنا بنيجي في اجازة نهاية الاسبوع نفسنا نخرج ونغير جو بس اكيد كلنا زهقنا من نفس الخروجات التقليدية اننا نروح مطعم جديد او نحضر فيلم جديد عشان كده قررنا نجمعلكوا 7 اماكن ممكن تروحهم تغير جو وفي نفس الوقت تشوف حاجات جديدة و تتصور صور حلوة

1)مجمع الاديان:

17473985_10207906793380276_573083814_o

منطقة مجمع الاديان بمصر القديمة, المكان اللي بيجمع الاديان السماوية الثلاثة الاسلام و المسيحية واليهودية.

هتلاقي مسجد عمرو بن العاص اول مسجد بني في مصر وهتلاقي جنبهم مجموعة من الكنائس زي الكنيسة المعلقة و كنيسة ماري جرجس دول غير المعبد اليهودي.

2) متحف الحضارة:

17439665_10207906871542230_1576578930_n

متحف الحضارة بالفسطاط,متحف تم افتتاحه مؤخرا واللي هتلاقي فيه 420 قطعة اثرية بتحكي عن تطور 4 من اشهر الحرف المصرية علي مدار التاريخ وهم الفخار و المصاغ و النسيج و النجارة.

3) قصر عابدين:

17467589_10207906859421927_408621_n

قصر عابدين هو واحد من اشهر واجمل القصور المصرية واللي اتبني خلال فترة حكم اسرة محمد علي باشا والخديوي توفيق هو اللي امر ببناءه بعد ما اشتراه من ارملة عابدين بك اللي كان واحد من القادة العسكريين وقتها .

4) قصر محمد علي:

17499759_10207906806660608_1185067097_o

قصر محمد علي بالمنيل هو واحد من اجمل التحف المعمارية في مصر اللي هيحسسك قد ايه الوقت ده كان مميز و هتلاقي حوله حدائق واشجار ده غير انه متاثر بالعمارة المغربية لحد كبير يعني هتتبسط هتتبسط.

5) دير سمعان الخراز:

17495931_10207906822981016_1869485263_n

دير سمعان الخراز بالمقطم, لازم تروح هناك وتسمع قصته بنفسك ده غير فكرة وجود الدير جوه الجبل حاجة كده هتبهرك.

6)مسجد السلطان حسن ومسجد الرفاعي:

17455221_10207906855661833_1165361965_o

تخلص دير سمعان في المقطم وتطلع علي المسجدين اللي مكانهم مش بعيد قوي عن الدير, من احلي المساجد اللي ممكن تدخلها وتحس بروحانية عظيمة ويا سلام لو يوم جمعة وتشوف الحضرة اللي بتكون موجودة في مسجد الرفاعي بعد صلاة الجمعة اللي اكيد هتكون حاجة اول مرة تحضرها.

7)شارع المعز:

17392917_10207906839981441_31858606_n

شارع المعز هو اشهر شارع في القاهرة حاليا ماحدش مارحش الشارع ده بس برده ماقدرتش امنع نفسي و ماكتبوش بس ياريت لو روحتوا قبل كده بالليل تحاول تروحوا الصبح او العكس وماتنساش تعدي علي الربع تجيب كتاب او تقعد هناك شوية.

ووسط كل ده ماتنساش تتصور صور حلوة وتتبسط.

Comments