بركة ال ٢٠٠ جنية فى عيد الام

أمهاتنا هم أكبر داعم لينا فى حياتنا، الحضن اللى بنجرى نستخبى فيه أول ما نعمل مصيبة. الأم هى مصدر الأمان و الحنان و الطيبة عشان كدة منقدرش ننساها أو ننسى مجهودها و أفضالها علينا. عيد الأم مش بالضرورة يكون اليوم الوحيد اللى نفتكرها فيه، و برضه مش لازم هدية غالية أوى اللى هتخليها تفرح لأن فرحتها بوجودنا فى حياتها هو أكبر هدية بالنسبة لها. اتفقتوا او اختلفتوا معيا؛ هى ديه الحقيقة.. لو انت هنا انهاردة ده دليل انك لسة متصرفتش، مهما كانت هديتك بسيطة هتفرحها و احنا هنساعدك تجبلها هدية حلوة و متعديش ال ٢٠٠ جنية

  • الفضة

كلنا حاسيين بغلو الأسعار و إن الستات يموتوا فى ال accessories فانت تقدر تجبلها خاتم او سلسلة فضة مثلا هتعجبها اوى

  • Make up

الامهات زى كل الستات الmake up بالنسبة لهم اهم من الاكل و الشرب و صيدلية العزبى و mall cairoعاملين خصومات و عروض بمناسبة عيد الام على الكحل و ال rouge و perfumes و الnail polish.

لو انت ولد و مش بتفاهم فاستعين بصديقة تفيدك..

  • الورد


مهما الزمن دار و لف هيفضل الورد محافظ على مكانته فى كل وقت، تحس كدة انه بيديلك امل فى الحياة و ب ٧٠ جنية تقدر تعمل اجدعها bouquet ورد

  • الحلويات


يا سلام بقى لو مع الورد دا دخلت عليها بطبق gatueax او بعلبة شوكولاتة او cinnabon مثلا، صدقنى هتحبك اوى!!

  • اكلة حلوة


آه بقى لو كنت صايع و سبتك من كل دا و اخدتها تأكلوا أكلة حلوة سوا… الست مبتزهقش من الخروج #معروفة، خدها كدا فطار الصبح على النيل فى الزمالك مثلا left bank او club 33 فيه مطعم لبنانى لطيف.

  • Spa

هنا بقى الدلع كله، احجزلها مساج أو حمام مغربى فى أى spa زى حمام السلطان مثلاً و شوف لو عندهم عروض.. كدا أمك مش هتحبك بس! ديه هتجيب ناس تحبك و ترجعلك فريش و مزاجها رايق اوى

المهم خدها فسحها و خرج طاقتها السلبية اللى لو سبتها هتطلع عليك و مش هترحمك!!

من الآخر كدا فرحوا أمهاتكم و انتم اللى هتفرحوا 🙂

Comments