زيارة ميسي لمصر: مصر خالية من ڤيروس سي

حدث مهم و وجود ميسي و كتابته عن مصر مكسب لينا في تنشيط السياحة غير حدث علاج ڤيروس سي، بس سوء التنظيم ضيع مكاسب اكبر كنا ممكن نوصلها

انتجت شركة مصرية علاج لفيروس سى و اصبحت مصر أول دولة عالمياً في علاج فيروس سى و ده فى حد ذاته حدث عظيم. الشركة قررت تقيم حملة Tour N’ Cure دمجاً لتنشيط السياحة في مصر خلال رحلة العلاج..  أقامت حدث عالمى تستضيف فيه النجم ليونيل ميسى كأحد اهم ضيوف الشرف المشاركيين فى الاحتفال بواحدة من أعظم الحملات المصرية.

مصر كانت مقلوبة زحمة و برجلة فى كل حتة انهاردة. الاحتفال يذاع على ٢٥ قناة عالمية و تكلف مجئ ميسي إلى مصر اكتر من مليون يورو و لكن جاء الاحتفال صادم!!!

حضر الاحتفال الكثير من الإعلاميين زى عمرو اديب و سيف زاهر بالاضافة لكلمة حازم إمام و حسن الشافعى. المشكلة ان محدش كان محضر نفسه حتى ضيف الشرف اللاعب ليونيل ميسى متكلمش ولا كلمة

دا غير ان تصوير حدث زى دا كان سئ جداً جداً . آخر حاجة بقى الباند اللبنانى اللى غنى فى النهاية… مفيش غير أغنية واحدة مصرية اتغنت؟ و صوت المغنيين مكنش حلو… يعنى عندنا احسن من كدا كانوا جابوا مسار اجبارى مثلاً! فين المغنيين المصريين؟ و فين التنورة المصرية ؟

من وجهة نظرى المتواضعة ان الحدث مكنش مرتب تماماً و كان ممكن يبقى احسن من كدة بكتير.

خسارة الفلوس المصروفة على الاحتفال اللى كان ممكن تتصرف فى حاجة تفيد البلد و اهلها.

بس الاستفادة الوحيدة من الحدث دا ان مصر اثبتت للعالم إنها مازالت بلد الأمن و الأمان و لا وجود للإرهاب فيها

                                               

Comments