10 أنواع صحاب موجودين في حياتك

1-الضايع 

120149101642

ده معظم الوقت هاتلاقيه عايش في عالم آخر. بياخد وقت عقبال مايستوعب الحاجة واغلب الوقت سرحان

بينك وبين نفسك بيبقى نفسك تديله قلمين يفوقوه بس للاسف عارف إن برضه ده مافيش فايدة منه

2-الطموح

lcst3

الصاحب اللي على طول بيشتغل على نفسه وبيجري ورا أي طريق بيؤدي للشهرة والمجد

غالباً بيبقى عايش حياة تانية في دماغه .. إنه مشهورو واخد 3 أوسكار و3 جولدن جلوبز وإن أي صورة ليه مع حد مشهور مش هو اللي طلب إنه يتصورها

النوع ده صحابه بيزهقه منه من كتر ما هو عايش في ال la la land

3- ذو الفراغ العاطفي

a-1024_003_l

بيصدعك ليل نهار بالكلام عن العلاقات والارتباط  وقد ايه نفسه يرتبط …حتى وهو مرتبط.

على طول بيعرف مين فركش ومين صاحب جديد (ماهو لازم يطمن على نفسه)

عينيه عين الصقر بتعاين على طول أي ولد أو بنت حلوة في المكان. هو ده الشخصية اللي من كتر اصرارها على الارتباط بتفتكر إنها أول حد هيجوز لما تتخرجوا ولكن دي مجرد اسطورة….

4-الدحيح

_310x310_b288595730f7f3cf9b11a444159c0782d2151684428e051ac9fe79e2c3137106

 مع إنه بيقول إنه مش بيذاكر وإن كل المواد بيفتحها ليلة الامتحان بس برضه  هو الأول عالدفعة وده طبعا طبقا لكلامه ببركة دعا الوالدين (قديمة اوي صح؟)

بس مش كلهم كده .. في منهم بيعترف إنه موس وبيساعد صحابه يلمّوا المناهج وفي كمان  منهم عندهم قدرة شرح المنهج كله في واحدة voicenote

5-الروش

1462478506440

كل حاجة عالموضة عملها … من الاخر هو عايش ال american dream المصري

تاتو تلاقي .. نايت لايف تلاقي .. سفر تلاقي … فيرساتشي تلاقي

ال انستجرام بتاعهم محتاج فشار ولمّة صحاب

من الاخر هُما الجولز الانت  بتحاول توصلّها … بتحاول مش أكتر

6-المخابرات

1241055641190

مش محتاج تقول اسم الكراش الثلاثي .. هو بس أول حرف وهيجيلك تقرير عنه من أول الساعة ال اتولد فيها  لحد نوع فصيلة دمه

 لو فاكر إن الstalking بيُقف عند الكراش تبقى غلطان لانه بيوصل ل ابن عم أخت خالة جدتك…ناس إنت أصلا متعرفش انهم موجودين في الوجود.

7-المزة

giphy-1

البنات بيخافوا يتواجدوا معاها في نفس المكان ببساطة لانها بتشكل خطرعلى مستقبلهم ووجدهم في الكون بشكل عام. بتخلي أكتر لبس تقليدي يبان جامد ومع إنك ممكن تكوني عندك نفس التي شيرت اللي هي لابساه بس عليها بيبقى حاجة تانية خالص

8-النكدي

8b349749-f8cc-4692-bd62-ee6f0f6ea61d

بتحس إنه شايل هموم الدنيا على كتفه. كتير بتخاف تهزر معاه لان كلمة هزار مش موجودة في قاموسه ولما بتبقى مبسوط بتحاول تتجنبه لإن الفايبس  بتاعته مُعدية.

9-الفوتوجرافر

770

يا اما  الصاحب المعروف إنه بيصورنا في الخروجات يا إما الصاحب اللي معروف إنه بيصور أي حاجة إلا صحابه .. كرسي مكسور … ستارة البيت … بلاعة في الشارع… والنتيجة واحدة: “العمق”

10-الهايبر

_640x_6a878efc61e0788566ad554eab4b01941d07a245d9a1e67f415fc877526d4766

دمه بيجري فيه كور بيضا وحمرا وريدبول .. حرك كده ونشيط ورياضي  وأحيانا بتقلب معاه بطققان

هوده البارتي أنيمال بتاع أي حفلة وبالرغم إنه بيبقى مزعج في بعض الاحيان لكن وجوده بيبقى مطلوب عشان يغطي عالoverthinking

Comments