6 أشخاص بتشوفهم على التايملاين

بقلم: ياسمين خالد

مين فينا مبيصحاش الصبح يمسك الموبيل من قبل حتى ما يغسل وشه؟ الفيسبوك بقى جزء لا يتجزاء من حياتنا محدش فينا يقدر ينكر ده, سواء كنت لسا صاحي او داخل تنام او حتى قاعد مبتعملش حاجة هتلاقي نفسك فاتحه…و اكيد لاحظت ان زي ما صوابعك مش زي بعضها الناس البتشوفها على التايملاين بردو مش زي بعضها.   

1- شير في الخير

%d9%8a%d9%85%d8%a8

الشخص ده بيبقى متولي كل قضايا الخطف على الفيسبوك, سواء اطفال او بنات او كلاب…شغال بردو. و هو غالبا بيبقى نفس الشخص البيعمل فوروارد لفويس نوتس على الواتس اب عن محولات خطف سواقين اوبر و كريم للناس. ممكن بردو تلاقي عامل شير لبوستس عن ناس بتدور على شغل او ادوية الخ…

2- شير بس

%d9%8a%d9%85%d8%b3%d9%8a

مين فينا معندوش شخص مبيشوفش غيره على التايملاين من كتر ما بيعمل شير؟ الشخص ده واخد الشير هواية, هو حتى مبيقراش البوستس البيعملها شير دي مكتوب فيها ايه…ممكن تلاقي عامل شير لبوست عن برج الجوزاء و هو اصلا برج الجدي.

3- القرايب

%d9%85%d8%a4%d9%8a%d8%b3

بوستات القرايب بتتلخص في صور اطفال او ورود مكتوب عليها صباح الخير او مساء الورد و حاجات زي كدا, و غالبا بتشوفهم على التايملاين 3 مرات: مرة الصبح في فترة بوست صباح الموز و مرة يوم الجمعة و مرة لما حد بيغير صورة البروفيل بتاعته و العيلة تدخل تحييه في الكومينتس…

 4- المحلل السياسي

%d8%a8%d9%84%d9%85

بيبقى واحد قرا كلمتين في الجرنان او سمعهم في برنامج و بناءً عليهم بيفتكر نفسه محلل سياسي و من هنا بتبتدي مسيرته في كتابة ارائه “السياسية” على الفيسبوك في هيئة بوست ميقلش عن تعبير في امتحان ثانوية عامة.

5- المجروح

%d9%84%d8%b1%d9%83%d8%a8%d8%a9%d8%a8%d9%8a

صاحبنا دا مبيعملش حاجة على الفيسبوك غير انه بيعمل شير لبوستس رود تريب و كوتس حزينة عن الفراق من القلبك يحبها, دايما تحس ان حد قاهره او جارحه…مين بلظبط مش عارفين بالذات انه مصاحبش قبل كدا…

6- العميق

%d8%b1%d8%a8%d9%85%d9%89%d8%a8%d9%8a

العمق مش لأي حد..الشخص العميق دا بيعمل شير للوحات فنية و صور ابستراكت وناس بتشرب سجاير و حجات كدا محدش فاهمها ولا حتى هو…

و في النهاية دي مجرد نبذة من الاشخاص البنشوفهم على التايملاين من وسط ساعات كتير في السكرول على الفيسبوك…

Comments