مننتخبنا فولته عالى , فك العقدة , ووصلنا نصف النهائى

قدر منتخبنا الوطنى لكرة القدم بقيادة الفولت العالى , محمود عبدالمنعم كهربا , بالفوز على المنتخب المغربى بهدف مقابل لاشىء جه فى الدقيقة 86 ضمن منافسات الدور ربع النهائى ببطولة كاس امم افريقيا

اخيرا قدرنا نكسب المغرب بعد فترة استمرت 31 سنة من اخر فوز لينا فى بطولة افريقيا 86 عن طريق طاهر ابو زيد

الماتش رقم 4 على التوالى بشباك نظيفة للمنتخب , ووصولنا نصف النهائى بتسجيلنا 3 اهداف بس

منتخب المغرب كان ند قوى لينا و قدر يستحوذ على اغلب فترات الماتش و السيطرة على نص الملعب فى ظل غياب الننى للاصابة

و لكن خط دفاع رائع للمنتخب , و من وراهم سد مصر التانى عصام الحضرى

ذكاء كبير من هيكتور كوبر فى التعامل مع الماتش , و تقسيم الماتش لفترات قدر فيها يجارى الظروف اللى واجهته من اصابات ( اصابة مروان محسن و الننى ) , لارضية الملعب , للرطوبة العالية , لقوة اطراف المنتخب االمغربى و اللى قدر كوبر يوقف خطورتها خصوصا الشوط التانى

تحية تقدير للجوكر المقاتل احمد فتحى و اللى اشترك فى 3 مراكز لحد دلوقتى فى البطولة , كباك يمين و باك شمال و نص ملعب

و على موعد مع نص النهائى يوم الاربعاء امام منتخب بوركينا فاسو

ريحة بطولة 98 بتهفهف على الجابون

Comments

SHARE
Previous article15 Most Anticipated Movies in 2017
Next articleمولانا
This is where you get to share your talent with us!