كوبر بيهاجم و احنا معاه , كسب غانا مرتين و أهلنا اول المجموعة

فاز منتخبنا المصرى على منتخب غانا المدجج بالنجوم و الاسماء التى تلعب لابرز اندية اوروبا لتانى مرة فى خلال شهرين فقط

الاولى فى تصفيات المونديال اللى بنتصدر مجموعتنا فيها

و التانية فى امم افريقيا و اللى برضه اتصدرنا مجموعتنا فيها ب 7 نقط بعد فوزنا على غانا بهدف نظيف سجله الايقونة الابرز للمنتخب المصرى الفرعون الصغير محمد صلاح بهدف من ضربة حرة مباشرة روعة سكنت الشباك و الملعب كله بيتفرج عليه

كوبر أدى احسن ماتش ليه مع المنتخب منذ توليه مسئولية المنتخب , اداء دفاعى منظم اكتر من رائع توجناه ب اننا الفريق الوحيد فى البطولة اللى مدخلش مرماه اهداف

اداء هجومى متزن و اداء اكتر من رائع لكل اللاعبين بلا استثناء

كل ده تم تحت حراسة مشددة من اعظم حارس فى تاريخ افريقيا  سد مصر و سد افريقيا المنيع الحصين ; عصام الحضرى

اتأهالنا تحت ظروف صعبة من ملعب سىء , لدرجة حرارة عالية و رطوبة عالية , لانتقادات كبيرة بخصوص الاداء السىء و المهزوز

بس الحاجة الايجابية ان المنتخب بيتطور من ماتش للتانى , و الاداء تصاعدى بشكل يبشرنا ان شاء الله

تأهلنا كأول المجموعة اوقعنا فى مواجهة كنا نتمناها تكون فى نهائى البطولة , و هى مواجهة الفريق المغربى العنيد تحت القيادة الفنية للتعلب رينار

و الماتش حيكون يوم الاحد الساعة 9 بتوقيت القاهرة

Comments