من جاور السعيد يسعد

اخيرا حقق منتخبنا الوطنى انتصار ببطولة أمم افريقيا المقامة بالجابون

فاز منتخب مصر لكرة القدم على منتخب اوغندا بنتيجة 1/0 بعد هدف غالى احرزه عبد الله السعيد فى الدقيقة 88 من عمر اللقاء

و بعد التعادل السلبى المخيب للامال للمنتخب فى الجولة الاولى أمام مالى , قدر منتخبنا يحقق الفوز فى الجولة التانية بهدف رائع

شوط اول كالعادة سىء مع ارضية ملعب لا تصلح كإسطبل للخيل , و أداء سىء من اللاعبين مع غياب تام لنجم منتخبنا الوطنى محمد صلاح و اللى مقدمش اى شىء يذكر مع المنتخب فى البطولة حتى الان ما يشفع له عند الجمهور المصرى سوى تمريرة يتيمة لعبد الله اللى سجل منها الهدف

اداء باهت ملوش لا لون و لا طعم و لا ريحة , مع سلبية عقيمة من مدرب المنتخب كوبر و اللى مش قادر لحد دلوقتى يقدم اداء يقنع بيه المصريين و لكن كان الفوز هو اهم شىء فى للقاء بعيدا عن اى حاجة تانية

دفع الشوط التانى كوبر بعبدالله السعيد بديلا لطارق حامد فى مجازفة اول مرة نشوفها من العجوز الارجنتينى , بس حتى هو كان شايف و مقتنع ان المكسب لا بد منه و الا كان موقفنا حيتأزم تماما مع  مباراتنا الاخيرة الصعبة جدا امام منتخب غانا و اللى حقق انتصارين على اوغندا و مالى بنتيجة 1/0 ليتصدر بيهم المجموعة برصيد 6 نقاط

و يأتى المنتخب فى المركز التانى برصيد 4 نقاط , ويجب علينا الفوز او التعادل فى المباراة الهامة و المصيرية مع غانا يوم الاربعاء فى التاسعة بتوقيت القاهرة  لضمان التأهل

اما فى حالة الخسارة مع فوز المنتخب الاوغندى فايضا المنتخب سيتأهل مباشرة

و فى حالة  فوز مالى على منتخب اوغندا , و خسارة منتخبنا المصرى , فلازم يكون الفرق هدف واحد سواء فى فوزهم او فى خسارتنا

و فى حالة فوز مالى 1/0 و خسارة المنتخب 1/0 فسيتم اجراء قرعة لتحديد هوية المتأهل

Comments