خمس علامات تدل على إنها “Wife Material”

بقلم: ياسمين رجب

زي ما اتكلمنا معاكي قبل كدة علي الHusband Material.. ده دوره, ركز معانا كدة عشان الكلام ده مهم.

واحد: يكون قلبها على جيبك

يعني مش كل نزولة لازم تدفعك مرتب الشهر كله. وماتقولكش أصل معدتي بتوجعني لو كلت في حتة غير Spectra. يعني ماتحسش إنك لازم يكون معاك +300 عشان تنزلوا تشوفوا بعض تلت اربع ساعات.

إتنين: تغير عليك من غير ما تحسسك إنك عليك مراقبة من الـFBI

742d036bac95d76b290b5d636d92dda5

يعني مش كل ما تسيب الموبايل وتدخل الحمام ولا تقوم تسلم على واحد شوفته صدفة تلاقيها قلبت في الجاليري عشر مرات وجابت Backup الواتس آب من ساعة ما طلع الأندرويد وفتحت تويتر والفيسبوك وViber. حلو جداً إنها تكون بتحبك وبتغير عليك بس لازم برضة تكون متفهمة لوجود مساحة لكل واحد فيكوا لازم ماتخنقوش بعض فيها. وإنه مع الوقت إنت هتبقى بتوريها كل الحاجات دي بنفسك.

تلاتة: مش بتحب العكننة وبتعدي

couple-fighting-on-couch

الحياة أساساً دلوقتي معبية مشاكل وعكننة. فلو وإنتوا خفاف وبطولكوا كدة وكل واحد فيكوا قاعد في بيت أهله هي غاوية عراك وعكننة وبتقف ع الواحدة يبقى مش هتخلص. اللي بيبدأ بـ”يعني إيه تنام وتسيبني؟” بينتهي غالباً بـ”أنا رايحة أقعد عند ماما يومين” وساعتها ماما هتكلمك تقولك “مزعلها ليه؟” والموضوع ممكن يكون إنك نسيت تطفي النور عليها وهي نايمة.

أربعة: مش غاوية مسلسلات هندي وتركي وصيني 

movie-night-with-the-girls

دي مش محتاجة شرح يعني عشان هتلاقي نفسك بتتقارن بناس مش موجودة ومش واقعية. والناس اللي بيبقى ليها خُلق تتابع تلت آلاف حلقة عشان تعرف راجي هيتجوز جيجي في أخر حلقة ولا أمه هتنجح في مخططها الشرير غالباً ما بتكون مش مهتمة إن يبقى لها حياة على أرض الواقع يعني. وهتلاقي بقى بوستات معمولك فيها تاج لواحد جايب لواحدة القمر بشريطة سوليفان وطبق تشيز كيك مثلاً ومكتوبلك “مش هقولك لأ على فكرة لو عملت كدة”. مايصحش يعني.

خمسة: بتفهمك

10151499456_09eab7630f_b

طبعاً مش هنتلكك وتبقى عايز واحدة فهماك على طول لإن لو دي الـcase يبقى ممكن تفضل قاعد مع والدتك وتبقى قُضيت. ممكن نقول فهماك معظم الوقت وتكون ماعندهاش مشكلة إنها تسمعك للأخر. الستات معظم الوقت بيحبوا يتكلموا كتير وده راجع لإنهم عاطفيين وإجتماعيين عن الرجالة وبيدققوا في التفاصيل فديماً عندهم material أكتر للرغي فإنها تقعد مثلاً ربع ساعة ساكتة عشان تسمع مشكلتك في الشغل اللي هي أصلاً مش فاهماها ده معناه إنها wife material جداً.

Comments