تأهل المنتخب المصرى بعد نهاية دور المجموعات للدور 16 لمواجهة العملاق الكرواتى بكأس العالم 2017 المقامة بفرنسا
بالرغم من خسارة المنتخب للمباراة المصيرية الاخيرة فى المجوعة لتحديد المراكز بنتيجة 33/26 , تأهل المنتخب فى المركز ال 3 ليضرب موعداً لمواجهة صعبة جدا مع منتخب كرواتيا اللى خسر من المنتخب الألمانى ضمن منافسات المجموعة الثالثة بنتيجة 28/21
بدأ المنتخب الماتش بتركيز كبير جداً , كان بيتحول لأوقات كتيرة لخوف من المنافس , و دهأادى لتفوق كبير للمنافس نفسياًو معنوياً و خلاهم يتقدموا علينا بفارق كبير طول الشوط الأول وصل لأحيان كتيرة لفرق 12 هدف , و ده بجانب عدة عوامل أهمها التشكيل الخاطىء لكابتن مروان رجب مدرب المنتخب و اللى تداركه بعد مرورالوقت
و من العوامل اللى أدت للخسارة عدم ظهور أعمدة الفريق فى مستواها الطبيعى باستثناء أفضل لاعبين المنتخب من بداية البطولة يحيى الدرع لاعب نادى هليوبوليس و إسلام حسن لاعب النادى الأهلى و أيضاً تألق حارس المنتخب السويدى و سوء الحظ اللى عاند لعيبتنا طوال اللقاء
و نسخة بالكربون من الشوط الاول بداية الشوط التانى أخطاء ساذجة كانت كفيلة بتقليل الفارق و لكن فضل الفارق زى نهاية الشوط الاول 10 اهداف و اتسع احيانا ل 11 , و لكن برضه بعد مرور منتصف الشوط التانى تدارك اللاعبين الموقف و ادوا ربع ساعة كانت الافضل فى اللقاء و قلصوا الفرق الى 7 اهداف
و كان اخر لقاء جمع المنتخب الوطنى مع المنتخب السويدى هو لقاء اولمبياد البرازيل 2016 و اللى انتهى بتفوق المنتخب المصرى 26/25 , و تم تغيير الجهاز الفنى للمنتخب السويدى بعد البطولة و تم تعيين الجهاز الحالى و اللى واضح من الاداء القوى للسويد تحضير الفريق جيداً للبطولة
وحصل اللاعب نيكلاس ايكبرج من منتخب السويد على افضل لاعب فى اللقاء بعد نسبة تصويب 100% فى المباراة بتسجيله 11 هدف من 11 تسديدة
و حيلتقى منتخبنا يوم الاحد 22/1 مع المنتخب الكرواتى فى تمام الساعة 9:45 بتوقيت مصر فى دور ال 16
