منتخبنا الوطنى لكرة اليد بكأس العالم بفرنسا

قدر منتخبنا الوطنى لكرة اليد بقيادة المدرب المصرى مروان رجب انه يحقق الفوز التالت لينا فى المجموعة بعد مرور 4 جولات على المنتخب الارجنتينى بنتيجة جيدة 31/26

ودي تعتبر المباراة الرابعة لينا فى البطولة بعد الفوز فى المباراة الأولى على وصيف اخر كـأس عالم أقيمت في قطر 22/20  , و الخسارة فى تانى مباراة امام العملاق الدنماركى وصيف بطولة أوروبا الاخيرة بنتيجة 35/28 , و لكن قدرنا نعود للانتصارات فى مواجهة عربية مع الشقيق البحرينى و قدرنا نحقق الفوز بنتيجة 31/29

و بعد الجولة الرابعة فمنتخبنا استطاع انه يحصد 6 نقاط يحتل بيهم المركز التالت متساويا مع احفاد الفايكينج -السويد-

و شهدت البطولة تألق العديد من الاسماء اللامعة لمنتخبنا الوطنى ابرزهم حارس مرمى المنتخب و نادى الزمالك كاتونجا أو كريم هنداوى , مع إسلام حسن و محمد ابراهيم و يحيى الدرع و أحمد الأحمر اللى كان اتصاب فى مباراة الدنمارك و فضل كابتن مروان يريحه الماتش اللى فات و لاعبه فى فترات قصيرة جدا من الماتش املًا انه يكون جاهز للمباراة الحاسمة القادمة.

و تأهل منتخبنا رسميا للجولة القادمة مع الدنمارك و السويد و قطر وودع البطولة البحرين و الأرجنتين

حيث ان نظام البطولة يقتضى بتأهل 4 منتخبات من كل مجموعة و اللى بتتكون من 6 فرق.

و بعد التأهل ف الاول من المجموعة التالتة حيلاعب الرابع من المجموعة الرابعة , و التالت يلاعب التانى و بالعكس , فالاول من المجموعة الرابعة حيلاعب الرابع من الجموعة التالتة

و يتبقى للمنتخب جولة اخيرة أمام السويد و هى جولة مهمة جداً لمنتخبنا , نظراً لأن المباراة دي هتحدد مركزنا فى المجموعة و عليه حيكون مين منافسنا فى الجولة القادمة و اللى حيكون من المجموعة التالتة و اللى اتأهل منها رسميا المانيا و كرواتيا و المجر و الجولة الاخيرة هتحدد المتأهل الرابع من تشيلى أو روسيا البيضاء

و من المتوقع فى حالة فوز المنتخب مواجهة منتخب المجر المتوسط فنيا , اما فى حالة الخسارة او التعادل فمن المتوقع مواجهة العملاق الكرواتى اللى بيحتل المركز التانى في المجموعة.

Comments