عقدة الرجل الشرقى و الست المسترجلة

لو هتكلم عن الرجالة و عقدة الرجل الشرقى عند المصريين او عن صراع الرجل و المرأة  للسيطرة مش هنخلص .

انا عايزة اركز على “الست و الرجل فى ميدان العمل

فى اخر كام سنة انتشرت فكرة ان الست لازم يكون لها كيان و دور فى المجتمع.

فى الحقيقة انا مش ضد دة بالعكس من حق كل ست انها تعمل اللى بتحبه و تنجح فيه بتفوق بس ده عشانك انت مش عشان اى حد تانى, مش عشان عايزة تثبتى لحد وجودك ولا انك تثبتى ان عندك اكتفاء ذاتى و مش محتاجه راجل فى حياتك ولا واخدها عند مع الرجالة… اعملى ده عشانك “انت” اشتغلى و اتبهدلى و انجحى عشان نفسك لانك تستاهلى كل اللى بتتمنيه

                                                 اما بقى بالنسبة للراجل المعقد نفسيا و انا بتكلم عن اغلب الرجالة المصرية، ان عندهم غيرة من الست اللى احسن منهم فى شغلها، فيلم “مراتى مدير عام” تنبأ بالمشاكل الزوجية نتيجة نجاح المرأة فى عملها. قليلة اوى الرجالة اللى بتشجع زواجتهم انهم يكونوا احسن و يتعبوا و ينجحوا لانه ببساطة مش معترفين بوجودها و حقوقها فى المجتمع.

.احترموا تعب الستات لانك مشوفتش ولا هتحس باللى مرت بيه من تحرش و احباط و ضغط نفسى عشان توصل للى هى فيه دلوقتى

احب اضيف ان الاولاد مش مسؤلية الست لوحدها و ان دور الاب ما بيقتصرش على المصاريف، لازم تتحمل مسؤليتهم و تساعد فى تربيتهم.

    .فى النهاية احب اوجه  تحية لكل ام و مرأة عاملة و تحية لكل راجل متحضر بيشجعها تحقق احلامها

Comments