3/12/2016 ملخص الكلاسيكو

ملك ال 90 يضرب عصفورين بحجر واحد فى ليلة من ليالى كلاسيكو الكامب نو.

قدر راموس ملك ال90 الجديد يتعادل للريال فى الكلاسيكو برأسية جميلة فى الدقيقة 90 عشان يحافظ للريال على سلسلة اللاهزيمة للماتش ال 33 على التوالى.

و بكده يكون متبقى لزيدان 3 ماتشات مع الريال عشان يعادل الرقم التاريخى ب 36 ماتش بدون هزيمة و قدر راموس برضه يحافظ على فرق ال 6 نقاط بين الريال المتصدر مع برشلونة فى محاولة الريال السنة دي الفوز بلقب الدورى الغايب من فترة عن ريال مدريد.

و ماتش النهارده كان الماتش التالت الحاسم اللى ينقذ فيه راموس الريال فى الدقايق الاخيرة بعد نهائى دورى الابطال 2014 مع اتلتيكو مدريد لما انقذ الريال و اتعادل فى الدقيقة 93 و كسب الريال فى الوقت الاضافى 4/1 , و ماتش اشبيلية فى  السوبر الاوروبى 2016 , لما اتعادل راموس فى الدقيقة 93 برضه و كسب الريال فى الوقت الاضافى 3/2.

برشلونة كان اتقدم فى النتيجة فى الدقيقة 53 عن طريق سواريز بعد عرضية متقنة من نيمار و اللى خرج مصاب من الماتش الدقيقة 83 و نزل بداله دنيس سواريز اللاعب الشاب و من المفاجأت السارة فى الماتش عودة الرسام انييستا من الاصابة بعد غياب شهرين و شارك فى الدقيقة 60 بدل من راكيتيتش و اللى اضاف حيوية كبيرة فى نص الملعب بعد نزوله و كاد يتسبب فى الهدف التانى للبرسا بعد تمريرة سحرية لميسى اللى ضيعها باستهتار غريب و بعد التعادل ده ارتفع رصيد الريال للنقطة 34 متصدر للدورى و بفارق 6 نقاط عن برشلونة اللى ارتفع رصيده للنقطة 28.

Comments