364 حاجة إنت أهم منها.

صحينا انهاردة علي خبر ان الأسعار زادت، تاني،  بنسب متفاوته لبعض المنتجات الغير مهمة خالص في حياتك، و من هذا المنطلق قررنا نعرض عليك شوية من السلع دي

القرار بيقول بقى إن التعريفة الجمركية هتزيد على 364 سلعة، بنسب تتراوح بين خمسين وخمسُمية المية. فبيتهيألي إن جه الوقت اللي نلتفت فيه للمنتجات المحلية اللي مش واخدة حقها خالص دي.

السلع اللي وقع عليها الإختيار بقى هي: موز الجنة والأناناس وأفوكادو والجوافة والمانجو والبرتقال واليوسفى والمشمس والخوخ والبرقوق ولبان المضغ، ومسحوق الكاكاو والخبز المقرمش والمعجون بالزنجبيل وما شابهه والبسكويت المحشو والفواكه الحمضية والكرز والفراولة وعصير الطماطم والتوت البرى والمثلجات كالآيس كريم والعطور والشامبو والمساحيق ومستحضرات تجعيد الشعر والعناية بالأسنان ومزيلات الروائح الجسدية وأملاح الحمام المعطرة والثقاب وأدوات المائدة والمطبخ وأقنعة الوجه ( الكمامات)، وأحذية التزلج، وأغطية الأرضيات والجدران والجرانيت والزجاج الملون، وأجهزة استقبال (الريسيفر) ولمبات الفلورست العادية والمضغوطة، وأقلام الحبر الجاف والسائل والرصاص وغيرها.

أظن يا جماعة مافيش دعوة أكثر وضوحاً لإننا محتاجين نبص للسلع المصرية ونشجعها. ونبدأ ننتج لنفسنا بدل الخيبة دي.

شارك في كتابة المقال ياسمين رجب.

Comments